மிகச்சிறந்த ஜனாதிபதி வேட்பாளர், மஹிந்த ராஜபக்ஷதான் - இது ஞானசாரரின் சான்றிதழ்

Tuesday, October 28, 2014

மிகச்சிறந்த ஜனாதிபதி வேட்பாளர், மஹிந்த ராஜபக்ஷதான் - இது ஞானசாரரின் சான்றிதழ்

ஜனாதிபதித் தேர்தலில் போட்டியிடும் வேட்பாளர் தமது நிபந்தனைகளை ஏற்றுக்கொண்டால்  மாத்திரமே ஆதரவளிக்க முடியும் என பொதுபல சேனா மீண்டும் அறிவித்துள்ளது.

பொதுபல சேனாவின் பொதுச் செயலாளர் ஞானசார தேரர் இதனை தெரிவித்துள்ளார். ஜனாதிபதித் தேர்தலில் போட்டியிடுவதற்கு தற்போதைய ஜனாதிபதியே பொருத்தமானவர் என தாம் கருதுகின்றனர் எனவும் அவர் குறிப்பிட்டுள்ளார்.

எனினும் தேர்தலின் போது இன்னும் சிறப்பான வேட்பாளர் ஒருவர் போட்டியிட முன்வருவாரானால், அவர் எமது நிபந்தனைகளை ஏற்றுக்கொண்டால் அவருக்கு நாம் ஆதரவளிப்போம் என்றும் அவர் மேலும் தெரிவித்தார்.

பொதுபலசேனாவின் சாயம் வெளுத்தது! மஹிந்தவே மிகச்சிறந்த பொதுவேட்பாளராம்

ஐக்கிய மக்கள் சுதந்திர முன்னணியின் மிகச்சிறந்த பொது வேட்பாளர் ஜனாதிபதி மஹிந்த ராஜபக்ஷவே என்று பொதுபல சேனா அமைப்பு வலியுறுத்தியுள்ளது.

28-10-2014 கொழும்பில் நடைபெற்ற ஊடகவியலாளர் மாநாட்டில் செய்தியாளர் ஒருவரின் கேள்விக்குப் பதிலளிக்கும் போது பொதுபல சேனாவின் பொதுச் செயலாளர் ஞானசார தேரர் மேற்கண்டவாறு தெரிவித்துள்ளார்.

அவர் மேலும் தெரிவிக்கையில்,

ஜனாதிபதித் தேர்தல் அறிவிக்கப்பட்டுள்ள நிலையில், ஒரேயொரு வேட்பாளர் மட்டுமே இதுவரை அறிவிக்கப்பட்டுள்ளார். ஆளுங்கட்சி சார்பில் அறிவிக்கப்பட்டுள்ள ஜனாதிபதி மஹிந்ததான் அந்த வேட்பாளர்.

ஏனைய கட்சிகள் ஒன்று சேர்ந்த கொண்டுவர இருக்கும் பொது வேட்பாளர் யார், எப்படிப்பட்டவர் என்று தெரியாது. அவரது குறை, நிறைகள் எதுவும் தெரியாது.

ஆனால் மஹிந்தவைப் பற்றி நாட்டு மக்களுக்கு முழுமையாக எல்லாம் தெரியும். அந்த வகையில் பார்க்கும் போது மிகச்சிறந்த பொது வேட்பாளர் ஜனாதிபதி மஹிந்த ராஜபக்ஷதான்.

அவரைத் தவிர்த்து இன்னொரு பொதுவேட்பாளர் வருவார் என்று இரண்டு பக்கமும் சாராமல் காத்திருப்பதில் இனியும் பலனில்லை. அதன் காரணமாக ஜனாதிபதிக்கே இந்தத் தேர்தலில் ஆதரவு வழங்க பொதுபல சேனா தீர்மானித்துள்ளது.

சிங்கள, பௌத்த மக்கள் தற்போது சர்வதேச அழுத்தமொன்றுக்கு உட்பட்டுள்ளனர். அதன் தாக்கம் இப்போது அனைவராலும் உணரப்படுகின்றது. அமெரிக்காவில் கடன் வாங்கி, அவுஸ்திரேலியாவில் ஆப்பிள் வாங்கும் பொருளாதார நிலைமையை நாம் ஆதரிக்க முடியாது.

அவ்வாறான பொருளாதார நிலையிலிருந்து விடுடக் கூடிய ஆற்றலும், சர்வதேச சக்திகளின் அழுத்தத்திலிருந்து நாட்டை பாதுகாக்கும் ஆற்றலும் ஜனாதிபதி மஹிந்தவுக்கு மட்டுமே உள்ளது.

எனவே இனியும் ஒளிந்து விளையாடிக் கொண்டிருப்பதில் பயனில்லை.பொதுபல சேனா பகிரங்கமாகவே ஜனாதிபதிக்கு ஆதரவைத் தெரிவித்துக் கொள்கின்றது என்றும் ஞானசார தேரர் தெரிவித்துள்ளார்.

வசதியற்ற முஸ்லிம்களும் ஹஜ் செல்வதற்கான வாய்ப்பை ஏற்படுத்திக்கொடுப்பேன் - மஹிந்த

Tuesday, October 28, 2014

வசதியற்ற முஸ்லிம்களும் ஹஜ் செல்வதற்கான வாய்ப்பை ஏற்படுத்திக்கொடுப்பேன் - மஹிந்த

இலங்கையில் வாழும் அனைத்து முஸ்லிம்களுக்கும் புனித ஹஜ் செல்வதற்கான வாய்ப்பை ஏற்படுத்திக்கொடுக்கப் போவதாக ஜனாதிபதி வாக்குறுதியளித்துள்ளார்.

ஜனாதிபதி 28-10-2014 திருகோணமலையில் நடைபெற்ற பல்வேறு வைபவங்களில் கலந்து கொண்டார். மூதூர் பிரதேசத்திற்கும் விஜயம் செய்திருந்தார்.

அங்கு உரையாற்றும்போதே ஜனாதிபதி மேற்கண்டவாறு வாக்குறுதி அளித்துள்ளதாக ஜனாதிபதி ஊடகப் பிரிவின் அறிக்கை தெரிவிக்கின்றது.

தொடர்ந்தும் அங்கு உரையாற்றிய ஜனாதிபதி, தற்போது வசதியுள்ள முஸ்லிம்கள் மட்டுமே ஹஜ்ஜுக்குச் செல்லும் வாய்ப்பைப் பெறுகின்றனர். எனினும் எதிர்காலத்தில் ஹஜ்ஜுக்குச் செல்வதற்கான வாய்ப்பை எனது தலைமையிலான அரசாங்கம் ஏற்படுத்தித்தரும்.

இலங்கையில் வாழும் அனைத்து இன மக்களினதும் பொருளாதார பலம் சில வருடங்களுக்குள் அதிகரிக்கும் விதமான நடவடிக்கைகளை மேற்கொண்டு வருகின்றோம். அதன் காரணமாக இன்னும் சில வருடங்கள் கழிந்தால் வசதியற்றவர்கள் என்று யாரும் இலங்கையில் இருக்க மாட்டார்கள் என்றும் ஜனாதிபதி தெரிவித்துள்ளதாக ஊடகப் பிரிவின் அறிக்கையில் குறிப்பிடப்பட்டுள்ளது.

எந்தெந்த உணவுப்பொருளை, எவ்வளவு நாள் பிரிட்ஜில் வைக்கலாம்..?

பழங்கள் அசைவ உணவுகள் திராட்சை, ஏப்ரிகாட், பேரிக்காய், பிளம்ஸ் 3-5 நாட்கள். ஆப்பிள்கள் ஒரு மாதம். சிட்ரஸ் பழங்கள் 2 வாரங்கள். அன்னாசி  (முழுசாக) 1 வாரம். (வெட்டிய துண்டுகள்) 2-3 நாட்கள்.வறுத்த இறைச்சி மற்றும் கிரேவி 2-3 நாட்கள். சமைத்த மீன் 3-4 நாட்கள். பிரஷ் மீன் 1-2 நாட்கள். ஓட்டுடன் கூடிய நண்டு 2 நாட்கள். பிரஷ்ஷான  இறால்(சமைக்காதது) ஒரு நாள். உலர்ந்த மீன் அல்லது மீன் ஊறுகாய் ஒரு வாரம். பிரஷ்ஷான கோழி இறைச்சி துண்டுகள் 1-2 நாட்கள். சமைத்த  கோழி இறைச்சி 2-3 நாட்கள்.

காய்கறிகள் புரோக்கோலி, காய்ந்தபட்டாணி 3-5 நாட்கள். முட்டைகோஸ், கேரட், முள்ளங்கி, ஓம இலை 1-2 வாரங்கள். வெள்ளரிக்காய் ஒரு வாரம். தக்காளி 1-2 நாட்கள். காலிபிளவர், கத்தரிக்காய் 1 வாரம். காளான் 1-2 நாட்கள்.

பால் பொருட்கள் பால் அல்லது ஆடை நீக்கப்பட்ட பால் ஒரு வாரம். பதப்படுத்தப்பட்ட பால், சுவீட் கிரீம், சுவையூட்டப்பட்ட பால், அதன் அட்டையில்  குறிப்பிடப்பட்டுள்ள விற்பனை தேதியில் இருந்து, 10-14 நாட்கள். மோர் 2 வாரங்கள். தயிர் 7-10 நாட்கள்.

அடிக்கடி கோபப்படும் நபரா நீங்கள் ? இதை படிக்க தவறாதீர் !

கோபம் ஒருவருடைய வாழ்க்கையையே புரட்டி போட்டு விடும், அளவுக்கு அதிகமான டென்ஷன், கோபம் உடலில் பல பாதிப்புகளை ஏற்படுத்திவிடும்.

கோபத்தால் விளையக்கூடிய தீமைகள் இங்கு தொகுக்கப்பட்டுள்ளன, அதனை தெரிந்து கொண்டு இனிமேல் கோபப்படலாமா என்பதை நீங்களே முடிவு செய்து கொள்ளுங்கள்.

---

மன அழுத்தம் 

அதீத கோபத்தால் மன அழுத்தம் அதிகமாகும், மன அழுத்தம் அதிகமானால் நீரிழிவு, மன இறுக்கம், இரத்த அழுத்தம் போன்ற பிரச்சனைகள் தானாக தேடிவரும்.

---

இதய நோய்

கோபத்தின் காரணமாக ஏற்படும் படபடப்பு மற்றும் அதிகப்படியான இதய துடிப்பு போன்றவை இதயத்திற்கு பெரும் பாதிப்பை ஏற்படுத்தும், உடலில் ரத்த அழுத்தமானது நார்மலான அளவைவிட அதிகமாக இருக்கும்.

சில சமயங்களில் அவை இதயத்திற்கு மிகவும் ஆபத்தான விளைவைக் கூட ஏற்படுத்தும்.

---

தலை வலி

எப்போது கோபம் வருகிறதோ அப்போது இரத்த அழுத்தம் அதிகமாவதால், மூளைக்கும் செல்லும் இரத்த குழாயானது அதிக அளவில் மூளைக்கு வேகமாக இரத்தத்தை செலுத்தும்.

மூளையில் ஒரு வித அழுத்தம் ஏற்பட்டு, தலை வலியை உண்டாக்கும். எனவே கோபத்தின் போது வரும் தலைவலியை குறைப்பதற்கு, உடனே அமைதியாகிவிடுவது நல்லது. சில சமயங்களில் மூளை வாத நோய் ஏற்படுவதற்கும் வழிவகுக்கும்.

---

சுவாசக் கோளாறு

சுவாசக் கோளாறான ஆஸ்துமாவால் பாதிக்கப்பட்டவர்கள், கோபப்படும் போது சரியாக சுவாசிக்க முடியாது.

ஆகவே ஆஸ்துமா உள்ளவர்கள், அதிகம் கோபப்பட வேண்டாம். இல்லையெனில் அது மூச்சடைப்பை ஏற்படுத்தி, உயிருக்கே ஆபத்தை ஏற்படுத்தும்.

---

தூக்கமின்மை

எப்போது கோபப்படுகிறோமோ, அப்போது உடலில் உள்ள ஹார்மோன்களானது சுறுசுறுப்புடன் இருக்கும், இதனால் சரியான தூக்கம் கூட வராது.

கணவன்மார்களே விழித்தெழுங்கள் மறுமையில் விசாரிக்கப்படுவார்கள் !

கணவன்மார்களே விழித்தெழுங்கள் மறுமையில் விசாரிக்கப்படுவார்கள் !

கட்டாரிலிருந்து அப்துல் மஜீத் ஜெசீம்-pic

ஒரு காலம் இருந்தது அந்தக் காலத்தில் மருத்துவிச்சி என்றுசொல்லப்படுகின்ற பாட்டிமார்களின் உதவியை கொண்டு வீட்டிலேலே சுகப் பிரவசம் மூலம் குழந்தைகளைப் பெற்றுக்கொள்வார்கள் நம் தாய்மார்கள் நாம் எல்லோரும் பெரும்பாலும் அப்படிதான் பிறந்திருப்போம் ஆனால் இன்று கருவில் குழந்தை உருவான நாள் முதலந்த குழந்தை இந்தப் பூமியை தொடும் காலம் வரை எந்த நேரமும் நம் பெண்கள் மகப்பேற்று வைத்தியரையே நாடும் அத்தியவசிய வைத்திய தேவையை கொண்டுள்ளார்கள்.

கணவன்மார்கள் யாரோ ஒரு அந்நியா ஆணிடம் அல்லது பெண்ணிடம் தன் மனைவிமார்களை மகப்பேற்று மருத்துவ ரீதியான அத்தனை செக்கப்புகளுக்கும் அழைத்துச் சென்று செக்கப் முடியும் வரை வெளியில் காத்துக் கொண்டு இருக்கின்றார்கள். வைத்தியர் என்ற ரீதியில் அந்நியா ஆணாக இருந்தாலும் அது தவறான விடயமல்ல. ஆனால் ஒரு கணம் நாம் அனைவரும் சிந்திக்க கடைமைப் பட்டுள்ளோம்.அதாவது இந்த விடயத்தில் முஸ்லிம் பெண்மருத்துவர்கள் இருந்தால் அது எவ்வளவு பெரிய ஆறுதலான ஒரு விடயமாகவும் காலத்தின் கட்டாய தேவையாகவும் இருக்கும்.

மகப்பேற்று மருத்துவம் என்பது வெறுமையாக ஒரு தொழில் மாத்திரமல்ல அது ஒரு பெரிய சமூகப்பனி. இஸ்லாத்தைப் பொறுத்தவரையில் பர்ளு கிபாயா என்ற பார்வையில் ஒரு பிரதேசத்தை அன்டியுள்ள ஒட்டு மொத்த சமூகமும் மறுமையில் அல்லாஹ்விடத்தில் பதில் சொல்லியே ஆகவேண்டும். ஆகவே அந்த சமூகப்பனிக்கு எமது பெண் பிள்ளைகளையும் நாம் படிக்க வைக்க வேண்டும் அவர்களையும் அத்துறைகள் சர்பாக ஊக்குவிக்க வேண்டும்.
ஆனால் பொதுவாக முஸ்லிம் பெண்கள் வைத்திய துறையில் மகப்பேற்று சத்திரசிகிச்சை நிபுனர் துறையை தேரிவு செய்வதில் நாட்டம் அற்றவர்களாகவே காணப்படுகின்றனர். இதற்கு முக்கியமாக கருதப்படுவது இந்த மகப்பேற்று துறையானது அதிகளவாக சத்திரசிகிச்சையினை அடிப்படையாகக் கொண்டு காணப்படுவதனாலும் பெண்கள் இளகிய உள்ளத்தினை கொண்டதினாலும் இஸ்லாமிய சமூகம் என்ற பார்வையில் பர்ளு கிபாயா என்ற கடமையின் அடிப்படையில் பெண் மகப்பேற்று மருத்துவரின் தேவையை பற்றி இஸ்லாமிய மார்க்கச் சட்டம் சொல்லும் ஆனித்தரமான கருத்துக்களை அரியாதவர்களாக எமது சமூகம் காணப்படுவதினாலும் எமது சமூகத்தில் விரல் விட்டு என்னக்கூடிய அளவுக்கு கூட பெண் மகப்பேற்று மருத்துவர்களின் சேவையினை பெற முடியாதவர்களாக எமது சமூகத்தினர் காணப்படுகின்ரனர்.

சாதாரனமாக நாம் மிகத் தூய்மையாகவும் உணர்ச்சிகரமாகவும் இஸ்லாத்தை பின்பற்றுவர்களாக எமது பெண் பிள்ளைகளையும் தாய்மார்களையும் மனைவிமார்களையும் இஸ்லாத்தின் வரையறைக்குள் வாழவைத்தது மட்டுமல்லாமல் அந்நிய மஃறமியான ஆண்களுக்கு மத்தியில் எமது பெண்களை இஸ்லாமிய முறைப்படி ஆடையனியச்செய்து வெளியில் அழைத்துச் செல்கின்றோம். ஆனால் கர்ப்பம் என்றோஇ மகப்பேறு என்றோ வந்துவிட்டால் எமக்கிருக்கும் இஸ்லாமிய உணர்ச்சி, பாசம், சமூகநோக்கு என்பவற்றை புறம்தள்ளிவிட்டு அந்த அந்நிய மஃறமியான ஆண்வைத்தியரின் அரைக்குள் எமது மனைவியையோ, சகோதரியையோ செக்கப் என்ற அந்த வைத்திய தேவை கருதி கதவை கூட நாம் சாத்திவிட்டு வெளியே வந்துவிடுகிறோம். இதற்கு எமது ஒட்டு மொத்த சமூகமே பர்ளுகிபாயா என்ற வகையில் பொறுப்பு கூற வேண்டும்.ஒரு உண்மையான இஸ்லாமியனோ அல்லது நூறு வீதம் சுய புத்தியுள்ள ஒரு ஆணோ வைத்தியரின் கதவை சாத்திவிட்டு வந்து நிம்மதியாக ஒரு செக்கன் கூட இருக்கமாடான். ஆனால் இஸ்லாம் கூறும் பர்ளுகிபாயா என்றவிடயத்தை மறந்து விடுவான்.

எமது சமூகத்தில் அதிதிறமை வாய்ந்த மாணவிகள் காணப்படுகின்றனர். அவர்கள் வைத்தியராகவும் வருகின்றார்கள். ஆனால் அவர்கள் நான் மேற்கூறிய முக்கிய காரணங்களினால் மகப்பேற்று நிபுனர்களாக தங்களது மேற்படிப்பினை மேற்கொள்வதில் முற்றிலும் தயக்கம் காட்டுகிறார்கள். மேலும் திறமையான மாணவிகள் எமது பிரதேசத்தில் இருந்தும் அவர்களின் குடும்ப பொருளாதார நிலை கல்விக்கு ஈடுகொடுக்க முடியாத நிலை காரணமாக மளுங்கடிக்கப் படுகின்றார்கள். இதை முற்றிலும் உணர்ந்த எமது இஸ்லாமிய உலமாக்களும் நாம் அனைவரும் ஒன்று சேர்ந்து மக்கள் மத்தியில் பாரிய விழிப்புனர்ச்சியை ஏற்படுத்தி எமது இஸ்லாமிய கோட்பாட்டின் அடிப்படையில் எமது சமூகத்தில் இருந்து மிகக்கட்டாயமாக எதிர்காலத்தில் பெண் மகப்பேற்று நிபுனர்கள் உருவாவதற்கு இந்த உணர்ச்சி பூர்வமான இஸ்லாமிய தார்மீகக் கடமையை செய்யவேண்டும்.

இந்த பிரச்சனைகள் ஒரு புறமிருக்க பர்ளுகிபாயா என்ற கடமையின் அடிப்படையில் எமது சமூகத்தில் இருக்கும் செல்வந்தர்கள் மட்டுமல்லாது ஒருமித்த குரலுடன் அனைவரும் ஒன்று சேர்ந்து எமது பிரதேசத்தில் தனது மகப்பேற்று வைத்திய நிபுனராகும் கணவுடன் வறுமைக் கோட்டிற்கு கீழ் வாழ்ந்து கொண்டிருக்கும் மாணவிகளை இனம்கண்டு அவர்களுக்குரிய அனைத்து செலவினையும் பொறுப்பெடுத்து அவர்களில் ஓரிருவரையாவது உயரிய சமூக நோக்கத்தினை அடிப்படையாக கொண்டு பெண் மகபேற்று மருத்துவ நிபுனர்களாக உருவாக்க வேண்டும். இதற்கு எமது பிரதேசத்தில் இயங்குகின்ற ஸக்காத் நிதியமானது பாரிய பொருப்பினை பங்கேற்க வேண்டும் என்பது அனைத்து முஸ்லிம்களின் கருத்தாகும்.

காத்தான்குடி பிரதான வீதியில் பேரீச்சம் பழங்கள் அறுவடை

2014-06-25 21:07:52

காத்தான்குடியில் மட்டக்களப்பு - கல்முனை பிரதான வீதியோரத்தில்
 நடப்பட்டுள்ள பேரீச்சை மரங்களிலிருந்து பேரீச்சை அறுவடை செய்யும்
 நிகழ்வு நேற்று நடைபெற்றது.

கிழக்கின் உதயம் வேலைத்திட்டத்தின் வீதிகளை அழகுபடுத்தும் விசேட
 திட்டத்திற்கமைவாக மட்டக்களப்பு மாவட்ட அபிவிருத்திக் குழுவின்
 தலைவரும், பொருளாதார அபிவிருத்தி பிரதியமைச்சருமான எம்.எல்.ஏ.எம். ஹிஸ்புல்லாஹ்வின் முயற்சியின் பயனாக மத்திய கிழக்கு நாடுகள் போன்று 
மட்டக்களப்பு-கல்முனை காத்தான்குடி பிரதான வீதியின் நடுவே 70 பேரீத்த
 மரங்கள் நடப்பட்டு, காத்தான்குடி நகர சபையினால் பராமரிக்கப்பட்டு வருகின்றன.

இம்மரங்களில் காய்த்துப் பழுத்துள்ள பேரீச்சைப் பழங்களை அறுவடையின் 
ஆரம்ப நிகழ்வு  நேற்று மாலை  காத்தான்குடி பஸ் தரிப்பு நிலையத்திற்கு 
முன்பாக இடம்பெற்றது.

 

பொருளாதார அபிவிருத்தி பிரதியமைச்சர் எம்.எல்.ஏ.எம்.ஹிஸ்புல்லாஹ், 
ஜனாதிபதி மஹிந்த ராஜபக்ஷவின் மத்திய கிழக்கு நாடுகளுக்கான ஆலோசகர் 
அஷ்ஷெய்க் அப்துல் காதர் மசூர் மௌலானா, சவூதி அரேபிய நாட்டு 
பிரமுகர்கள் ஆகியோர் அறுவடை செய்தனர்.
 

இந்த பேரித்தம் பழங்ளை அறுவடை செய்யும் நிகழ்வில் பிரதியமைச்சர்
 ஹிஸ்புல்லாஹ்வின் மக்கள் தொடர்பாடல் அதிகாரி முஹம்மட் றுஸ்வின், 
பிரதியமைச்சர் ஹிஸ்புல்லாஹ்வின் அந்தரங்கச்;  செயலாளர் எம்.ஐ.நாஸர் 
உட்பட பொது மக்கள் பலரும் கலந்து கொண்டனர்.
 

கடந்த வருடத்தை விட இந்த வருடம் அதிகமான மரங்களில் அதிகமான
 பேரீச்சைப் பழங்களை அறுவடை செய்ய முடிந்துள்ளதாக பிரதியமைச்சர் 
ஹிஸ்புல்லாஹ் தெரிவித்தார்.